Un informe do Consello de Europa pide máis medidas para garantir o dereito da cidadanía a ser atendida en idiomas distintos do castelán.Se queres saber máis
O contido de calquera páxina web xa se pode traducir ao galego, a través da ferramenta Translate de Google. O buscador acaba de incorporar sete novos idiomas a devandito servizo, incluído o de Galicia: albanés, estoniano, maltés, turco, húngaro e tailandés. Aínda que o recoñecemento do idioma funciona correctamente, algunhas webs recoñecen que a tradución automática non é moi fiable. Isto débese a que sempre se utiliza o inglés como punto intermedio, polo que moitas veces o sentido das frases pode variar. Con todo, a inclusión destas linguas permite achegar a ferramenta Translate a practicamente 150 millóns de usuarios.
Trasmitirlle ao espectador a emoción das palabras, o seu lado entretido e curioso e os aspectos máis divertidos da lingua, ese é o obxetivo de Cazador de palabras, o docushow divulgativo que a TVG emitirá semanalmente cada xoves. Este novo programa de entretemento lingüístico, presentado por Matías Tarrío, é un espazo familiar que intenta demostrar que a lingua pode ser empregada en todas as circunstancias e para falar de calquera cousa, seria ou divertida, social ou familiar, científica ou popular.
A Axencia Audiovisual Galega habilitou na súa web un espazo onde se fan ligazóns ós vídeos en galego pendurados na Rede: Teu Tubo Aínda que non é o que todos os galegos están a esperar, un «youtube» galego, a nova sección da Mediateca permite poder visualizar parte dos mellores vídeos gravados na lingua de Rosalía sen a necesidade de ter que mergullarse por unha infinidade de webs.
O lecer é un bo espazo para aprender e aprender xogando é a mellor forma de achegármonos á nosa literatura, á nosa historia, á nosa xeografía, a nós mesm@s.
É tempo das castañas, das caveiras de melón, da noite e das tebras...
Este día foi ideado polo Consello de Europa para celebrar a diversidade lingüística europea e o plurilingüismo.
En Europa só se falan o 3% das linguas do mundo, mais a Unión Europea ten 23 linguas oficiais, o que a converte na institución que máis linguas fala no mundo.
Para celebrar o Día Europeo das Linguas, poñemos aquí un vídeo sobre a nosa propia, titulado Mirando da lingua, gañador ex aequo dun certame entre centros de ensino secundario
Picariños, Cativos, Pequerrechos, Meniños, Rapaciños, Pillabáns, Brincos, Enredos, Ruliña…Todas eles nomes no noso idioma para lle chamar á escolas infantís. Porén, en moitos deles (agás excepcións), o cultivo do galego na relación coas crianzas era (e aínda o é) inexistente. Parece que buscan un nome en galego para transmitir confianza, mimos, coidados... pero axiña desaparece cando entras no recinto escolar.
Agora xa podemos comezar a nosa vida escolar (de 0 a 3 anos) nunha escola infantil pública normalizada, Benvidas as galescolas! Un proxecto necesario e positivo. Hai un total de 37 galescolas na provincia da Coruña, 21 no caso de Lugo, 26 en Ourense e 37 na provincia de Pontevedra. En total suman 121 centros .
Moitos rapaces e rapazas comezan neste mes o curso escolar. Cada un exprésao á súa maneira. Hai moitos idiomas no mundo e cada un deles ten o seu lugar. No teu lugar, aquí, o galego. Se non o falas algún día desapareceremos deste cartaz.
Sabes que en Estremadura existe un dialecto do galego? Escoita a nosa fala en en As Ellas, Valverde do Fresno e San Martín de Trevello.
Letra: Lois Alvarez Pousa
Música: X.L.R.C.
Sementar sementarei,
loguiño de crarear,
en tanto no pobo medre
un meniño, un vello e un cantar.
Un meniño rebuldeiro
que fale na lingua nai
que suba nos pexegueiros
a fruta verde a roubar.
Un vello que de consellos
un rostro de fume e pan
que conte contos ós nenos
do cuco e do paspallás.
Un cantar de redención
que toque a desolación
nun limpo e craro alborear.
Logo, deixáime morrer,
entre dous regos, queimado,
cando veñan os solpores
dos homes esfamiados.
fotografía gañadora do certame "unha imaxe para o galego!. O seu título: sacando a lingua a flote.
a nosa poesía xúntase coa videocreación. Se queres saber máis sobre a autora preme neste vínculo
Lembras o libro de lectura de 1º Morgún... aquí tes unhas imaxes para que poidas seguir imaxinando o mundo celta que recrea.
se queres saber algo máis sobre nomes de persoa - masculinos e femininos-, o seu significado e historia preme nestas ligazóns
Outro ano máis as rúas da Coruña enchéronse de cor e de mocidade .... todos e todas lembrando que temos dereito a vivir "galegando"..... Ves a alguén coñecido?
Escoita o himno e non esquezas "NINGUÉN NOS CALA: TODO O ANO GALEGANDO"
A miña boca non se equivoca
Alimenta ao planeta
boura polo vento
a lingua dos galegos
non se aguanta nos museos.
Eu quero ir polo mundo
mais por un mundo diverso
onde cada home pouse
o poder do seu acento.
¡ Fala, non pares!¡ Fala, non cales!
A miña boca provoca
a miña boca non se equivoca.
Un saúdo os antergos,
marcharon lonxe da casa,
cantaruxaron a eito
na Arxentina e Alemaña.
Agora é o noso tempo,
o camiño nas entrañas,
p'ra fecundar o planeta
coa forza da palabra.
¡ Fala, non pares!¡ Fala, non cales!
A miña boca provoca
a miña boca non se equivoca.
Son o xigante do consumismo
e moito me molesta que sexades distintos.
A diversidade non me vai a diferencia é un problema
p'ra vender o que me peta sempre coa mesma etiqueta.
Eu son o dono do mundo vouvos comer o futuro.
xa papei moitas linguas dentro do meu bandullo.
¡ Fala, non cales !¡ Fala, non pares !.
